Thursday, January 29, 2015

ஈகோ சார் வெத்து ஈகோ

லக்ஷ்மியின் அருள் பெற்று இயற்றப்பட்ட புனித நூலான மாதொருபாகனுக்காக சரஸ்வதி கடாக்ஷம் பெற்ற பெருமாள்முருகனை நியாயப்படுத்த, பாவம் இன்னும் எத்தனை எடுத்துக்காட்டுக்கள் மெத்தப் படித்த மேதாவிலாசிகளால் காட்டப்படுமோ தெரியவில்லை. 

Wednesday, January 28, 2015

சாரும் ரைட்டரா

ஏகப்பட்ட ஜூனியர்கள் புடைசூழ பெருமாள்முருகனுக்கான சீனியர் கவுன்சிலாய் இணையத்தில் கோலோச்சிக்கொண்டிருந்த நல்கை கவுன்சிலிங் அறிஞர் ராஜன் குறை கிருஷ்ணன் தமது கட்சிக்காரர் போலவே தாமும் எழுதியதையெல்லாம் வாபஸ் வாங்கிக்கொண்டு ஃபேஸ்புக் அக்கவுண்டையே மூடிவிட்டாராம் அதி தீவிர நக்ஸலைட்டு ஏழரையாய். 

இதை எழுதி முடிக்கும் கணத்திலிருந்து நான் எதையுமே எழுதாமல்கூட உடனடியாகவோ அல்லது பல காலம் இருந்தோ இறந்துவிடக்கூடும். ஆனால், இலக்கியவாதிகள் பலராலும் எரிச்சலுடன் பார்க்கப்படும் என் பிளாகில் இருக்கும் 'குப்பைகள்' அனைத்தும் இன்னும் பிறக்கக்கூட இல்லாத, முகமறியா பலரும் படிக்க வசதியாய், இருந்துகொண்டு இருக்கவேண்டும் என்கிற ஆசையில் அது தொடர்ந்து இயங்கிக் கொண்டு இருப்பதற்கான நிதியை என் சொந்தப் பணத்திலிருந்து ஒதுக்கிவைத்துவிட்டே இந்த உலகைவிட்டுச் செல்வேன்.

எழுதும் என்றால், அது எழுதியது அச்சாகிப் புத்தக வடிவமும் பெறும் என்றால் சவத்தைக்கூட எழுத்தாளன் என்றுதான் குறிப்பிடும் உலகம். 

என்ன மயிர்ப்பிடுங்கி இலக்கியம் எழுதியிருந்தாலும் எழுதும் முன் யோசிக்காமல், எதிர்ப்பு வந்தால் ஊர் வாய்க்கு பயந்து, எழுதியதையெல்லாம் ஊத்தி மூடிவிட்டு ஓடிப்போகும் எவனையும் எழுத்தாளன் என்று நான் என்றும் மதிக்கமாட்டேன். 

புகழை மட்டுமன்று அவமானங்களையும் கடந்தவனே, எழுத்தாளன் என்று தன்னைக் குறிப்பிட்டுக்கொள்ளும் தகுதியை உடையவன். மற்றபடி, இணையத்தில் எல்லாப் பயலும்தான் போட்டுக் கொள்கிறான் ஃபேஷனாய் பேருக்கு முன்னால் ரைட்டர் என்று.

Monday, January 26, 2015

அறச்சிக்கலும் அரைச்சிக்கலும்

ஒல்லியாய் பாவமாய் தோற்றமளித்த பையன் சிறுகதை அருமை எழுத்தாளர் என்று கோர்வையில்லாமல் தள்ளாடிப் பேசிக்கொண்டிருந்தான் கால சுப்ரம்ண்யத்திடம். பக்கத்தில் நிறுத்தப்பட்டிருந்த என் பைக்கின்மேல் ஐபோனை நோண்டியபடி உட்கார்ந்திருந்தேன்.  கால சுப்ரமண்யம் சொன்னார் இவர்தான் துறையூர் சரவணன் என்று. எதிரிலிருந்த சந்திரா தங்கராஜ் எதையோ சொல்ல என்னருகில் வரப்பார்த்தார். இடையில் இந்த இலக்கியத் தள்ளாட்டம். அவர் நகருங்க என்றார். வாழும் இலக்கியம் வழிவிட மறுத்தது. யாரோ ஒருவர் இலக்கியத்தைக் கைபிடித்து இழுத்ததில் இலக்கியம் பெயர்ந்து வெற்றிடமானதும் சந்திரா வந்து எஸ்.ரா டார்ச்சர் மெசேஜ் வந்துடுச்சி என்று அப்போது நான் போட்டிருந்த ட்விட் பற்றிக் குறிப்பிட்டு விழுந்துவிழுந்து சிரித்தார். அவர் போனதும் பாசிபோல் திரும்பப் படர்ந்தது இலக்கியம். சிறுகதை அருமை எழுத்தாளர் எனத் தொடங்கிற்று என்னிடம்.

Tuesday, January 20, 2015

சரியும் தப்பும் சரியா தப்பா

சாரு நிவேதிதா என்பவர், சாரு என்று குறிப்பிட்டுப் பேசக்கூட அருகதையில்லாத ஆள்தான் ஒப்புக்கொள்கிறேன். ஆனால், இவ்வளவு கலாட்டாவுக்கும் இடையில், இருந்த இடத்திலேயே இருக்கிறாரேயன்றி நகரக்கூட இல்லை என்பது அப்பட்டமாய் வீடியோவில் பதிவாகி இருக்கிறது. http://youtu.be/aG0pKCha9NE 

Saturday, January 17, 2015

எடுக்கவா கோர்க்கவா

யாழ் நூலகத்துக்கு அருகில் கைகளைக் கட்டிக்கொண்டு மாதொருபாகனை எரித்ததற்கு கண்டணம் தெரிவித்துப் போராட்டம் நடத்தி Facebookகில் போட்டோ போட்டுக்கொண்டுள்ளனர். எண்ணி ஏழே பேர். குறைந்தபட்சம் போட்டோவாவது போடாது இருந்திருக்கலாம். நிபந்தனையில்லா மன்னிப்பைக் கேட்டு எழுதிப்பெற்ற எதிர் அணி இணையத்திலேயே இருந்து இவையனைத்தையும் கவனித்துக்கொண்டு இருக்கிறது என்பதை நினைவில் இருத்த வேண்டும். எதையாவது செய்யவேண்டும் என்கிற உணர்ச்சிவேகம் மட்டுமே ஒன்றுக்கும் உதவாது. புத்தகத்தை எரித்ததையெல்லாம் கடந்து விஷயம் எங்கோ போய்விட்டது. உண்மையிலேயே பெருமாள் முருகனுக்கு எதாவது செய்ய நினைப்பவர்கள். நிபந்தனையற்ற மன்னிப்பு கேட்டது ஒன்றும், கலங்கிப் போகுமளவுக்கு, பெரிய களங்கமில்லை, உலகம் நிலையாக நிற்காது சூரியனைச் சுற்றி வருகிறது என்று, பைபிளில் இருப்பதற்கு எதிராய் kஊறியதற்காக, கலீலியொ கலீலியே சர்ச்சிடமும் பொபாண்டவரிடமும் மண்டியிட்டு செய்ததுதானே, நீங்கள் மேசையில் அமர்ந்துதானே எழுதிக் கொடுத்திருக்கிறீர்கள் என்று அவருக்கு ஆறுதல் கூறலாம்.

Friday, January 16, 2015

காவியமா இல்லை ஓவியமா

பெருமாள் முருகனின் கருத்துச் சுதந்திரத்துக்குக் காத்திரமாய் கூவும் இஸ்லாமியர்களில் எத்தனைபேர் தஸ்லீமாவுக்காக மியாவ் என்றாவது குரல் கொடுத்திருப்பார்கள்?

Thursday, January 15, 2015

எலிகளும் எழுத்தாளரும்

இணையத்தில் நாங்களெல்லாம் வீராவேசம் காட்டுவதுபோலதானே அய்யா எங்கள் எழுத்தாளரும் எழுத்தில் காட்டினார். 

Wednesday, January 14, 2015

கொலையும் தற்கொலையும்

திருச்செங்கோடு விவகாரத்தில் பெருமாள்முருகனை திராவிடக் கட்சிகள் ஆதரிக்கவில்லை என்பது பெரிய புகாராய் முன்வைக்கப்படுகிறது. முதலில் தன்னை அவர் ஆதரித்தாரா என்பதை எவரும் கேட்டுக்கொள்ளத் தயாராயில்லை.

Saturday, January 3, 2015

தூக்கமும் துக்கமும்

கீழ்க்காணும் FB பதிவில், ஆர்வக்கோளாரில் நிகழ்ந்திருந்த காமெடியை நேற்று பகிர்ந்திருந்தேன். ஆனால் இதை எழுதியுள்ள மனிதர் தெளிவானவர்தான். தாம் என்ன சொல்ல வருகிறோம் என்பதில் மட்டுமல்லாது எதையெதையெல்லாம் எதிர்க்கிறோம் என்பதைத் தனித்தனியே சொல்லுகிற அளவுக்குத் தெளிவானவர்தான். இந்தப் பதிவின் மூலமாக, அந்த ஓரிடம் தவிர்த்து, இந்த மனிதர் எவ்வளவு விஷயங்களைச் சொல்லிச் சென்றிருக்கிறார். இவை குறித்து யாரேனும் ஏதேனும் சொல்கிறார்களா என்று பார்ப்பதற்காகவே காத்திருந்தேன். எதிர்வினைகள் ஏதுமற்ற காரணத்தால் இதை எழுதவேண்டிதாயிற்று.